Orosius, I
Edition: Karl Zangemeister, 1882
Caput 18
1 Paucis praeterea annis intervenientibus, Aeneae Troia profugi adventus in Italiam quae arma commoverit, qualia per triennium bella excitaverit, quantos populos inplicuerit odio excidioque adflixerit, ludi litterarii disciplina nostrae quoque memoriae inustum est.
2 horum praeterea temporum medio interiacent exilia naufragiaque Graecorum, Peloponnensium clades Codro moriente fractorum, ignoti Thraces nova in bella surgentes et generalis tunc per totam Asiam Graeciamque commotio.